शुटींग दरम्यान अभिनेता विक्की कौशल जखमी; चेहऱ्यावरील हाड फ्रॅक्चर

मुंबई : ‘उरी: द सर्जिकल स्ट्राइक’ चित्रपटात प्रमुख भूमिका साकारणारा बॉलिवूड अभिनेता विक्की कौशलचा चित्रपटाच्या शूटींगदरम्यान अपघात झाला आहे. या अपघातात त्याला जबरदस्त मार लागला असून चेहऱ्यावर १३ टाके लागले आहे.

विक्की कौशल सध्या दिग्दर्शक भानु प्रताप सिंह यांच्या एका हॉरर चित्रपटाच्या शूटींगमध्ये व्यस्त आहे. या चित्रपटाच्या शूटींगवेळी झालेल्या अपघातात विकीच्या चेहऱ्यावर मोठी जखम झाली आहे. चित्रपटाच्या शूटींगदरम्यान विकी एका अॅक्शन सीक्वेंसचा सिन करत होता. त्यावेळी त्याच्यावर एक दरवाजा येऊन पडला. त्यामुळे विक्कीच्या चेहऱ्यावरील हाड फ्रॅक्चर झाले. समुद्र किनारी उभ्या असणाऱ्या एका जहाजावर आधारित हा चित्रपट आहे. चित्रपटाची कास्ट आणि क्रू गेल्या ५ दिवसांपासून गुजरातच्या शिप ब्रेकिंग यार्डमध्ये चित्रीकरण करत होते. त्यावेळी अॅक्शन सिन करत असतानाच हा अपघात झाला. दुर्घटनेनंतर एका रुग्णालयात प्राथमिक उपचार केल्यानंतर त्याला एअर अॅम्बुलन्समधून मुंबईत आणण्यात आले आहे.