श्रीराम जन्मोत्सव सप्ताहानिमित्त धार्मिक कार्यक्रमांचे आयोजन

भुसावळ। शहरातील लक्ष्मी चौकजवळील पुरातन श्रीराम मंदिरात सालाबादाप्रमाणे यंदाही श्रीरामचंद्र महाराज संस्थानतर्फे श्रीराम चौक यांच्या अध्यक्षतेखाली राम जन्मोत्सव सोहळा सप्ताहास सुरुवात करण्यात आली.

यामध्ये दैनंदिन कार्यक्रमात सकाळी 6 ते 9 अभिषेक, पुजा, आराधना, दुपारी 2.20 ते 4.30 राजगौंड समाज भजनी मंडळातर्फे भजनाचा कार्यक्रम, तसेच श्रीराम भजनी मंडळ व सत्यसाई सेवा समितीतर्फे रामायण व्याख्यानमाला घेण्यात आली. करुणा त्रिपदी परिभ्रम शाखेतर्फे भक्तिगीतांचा कार्यक्रम झाला. तसेच शनिवार 1 रोजी लक्ष्मी भजनी मंडळातर्फे कार्यक्रम होईल. रविवार 2 रोजी सकाळी 9 ते 11 गणपती अथर्वशिर्ष, दुपारी प्रल्हाद महाराज यांच्या हस्ते उपासना, सोमवार 3 रोजी आठवले भजनी मंडळातर्फे धार्मिक उत्सव, मंगळवार 4 रोजी सकाळी 10 ते 12 हभप नलिनीताई यांचे प्रवचन, व श्रीराम जन्म सोहळा विशेष कार्यक्रम होईल. तरी भाविकांनी या सप्ताहात सहभागी होण्याचे आवाहन श्रीराम चौक, विनोद शर्मा, राधेश्याम लाहोटी, जे.बी. कोटेचा यांनी केले आहे.