संचालक, चेअरमन, सचिव, जिल्हा बँकेच्या शाखाधिकार्‍यांसह सह 30 जणांवर गुन्हा दाखल

डांगरी विकास सोसायटीत 54 लाख 67 हजारांचा अपहार

कळमसरे ता अमळनेर – येथुन जवळच असलेल्या प्रगणे डांगरी येथील विविध कार्यकारी सेवा सहकारी सोसायटीत सण 2013 ते 2018 या कालावधीत तत्कालीन संचालक, सचिव, चेअरमन, कर्मचारी सह जिल्हा मध्यवर्ती सहकारी बँकेचे शाखा व्यवस्थापक व क्षेत्रीय अधिकारी यांनी संगनमताने मिळून त्यांचे कडे असलेल्या

पदाचा दुरुपयोग करून बनावट दस्तऐवज तयार करून ते खरे निधीची अफरातफर करून एकूण रक्कम 54 लाख 66 हजार 460 रुपये एवढ्या मोठ्या रकमेचा संगनमताने अपहार व गैरव्यवहार केला होता. याप्रकरणी येथील सहकारी संस्थेचे ( पणन ) वर्ग एकचे विशेष लेखा परीक्षक अनिल गंगाराम पाटील वय 48 रा. जळगांव यांच्या फिर्यादीवरुन 23 रोजी गुन्हा दाखल झाला आहे.

यांच्याविरुध्द गुन्हा दाखल
संस्थेचे तत्कालीन सचिव मोहनकुमार गंगाधर पवार, रा. पातोंडा, चेअरमन अनिल शिसोदे रा. प्रगणे डांगरी, रामकृष्ण पाटील , संगीताबाई शिसोदे रा.प्रगणे डांगरी, अंतरावर शिसोदे रा. प्रगणे डांगरी, गुलाबराव शिसोदे रा. प्रगणे डांगरी, उदय शिसोदे रा. प्रगणे डांगरी, बाळासाहेब शिसोदे रा. प्रगणे डांगरी, वसंतराव व्ही पाटील,रा. प्रगणे डांगरी, शालीक पाटील रा. प्रगणे डांगरी, नामदेव वानखेडे रा. कलाली, रमेश बोरसे( मयत), संतोष भोई( मयत) रा. प्रगणे डांगरी, अशोक पाटील राहणार रात्री,16) देवकाबाई भोई राहणार प्रगणे डांगरी, 17) उदय पाटील राहणार रात्री, 18) श्रावण भोई रा. प्रगणे डांगरी,छगन पाटील रा. प्रगणे डांगरी, अरुण शिसोदे रा. प्रगणे डांगरी, भाईदास पाटील रा. प्रगणे डांगरी, प्रशांत कुमावत रा. प्रगणे डांगरी, मिनाबाई पाटील रा. प्रगणे डांगरी, ज्ञानेश्वर पाटील रा. प्रगणे डांगरी, निर्मलाबाई चौतमन राहणार प्रगणे डांगरी, कमलाकर शिसोदे राहणार प्रगणे डांगरी,27) दिनकर देसले रा. अमळनेर, गुलाबराव पाटील रा. अमळनेर, जयराम पाटील रा. अमळनेर, किशोर पवार रा. अमळनेर या सर्व 30 आरोपीं विरोधात संगनमताने गैरव्यवहार करून अपहार केल्या प्रकरणी मारवड पोलीस ठाण्यात भाग 5, गुन्हा रजिस्टर नंबर 31/2019 नुसार भा. द. वी. कलम 420,408,409,465,468,471 व 34 प्रमाणे गुन्हा दाखल करण्यात आला आहे. पुढील तपास नवनियुक्त सहाय्यक पोलीस निरीक्षक राहुल फुला हे करीत आहेत, सहकार क्षेत्रातील मोठ्या रकमेचा अपहार व गैरव्यवहाराने सहकार क्षेत्रात खळबळ उडाली आहे. मोठ्या रकमेचा अपहार व गैरव्यवहार प्रकरणी अद्याप कोणाला ही अटक करण्यात आलेली नाही.

विकास सोसायटीत अपहार प्रकरणी तत्कालीन सचिव याने केलेला गैरव्यवहार माझ्या लक्षात आल्यावर याबाबत सर्व प्रथम मी तक्रार केली होती व चौकशी करून दोषींवर कारवाई करण्याची मागणी सहाय्यक निबंधक यांच्याकडे केली होती सर्व गैरव्यवहारास सचिव व जिल्हा बँकेचे शाखा व्यवस्थापक, क्षेत्रीय अधिकारी जबाबदार आहेत मात्र आमच्यावर ही गुन्हा दाखल करण्यात आला असल्याने आता चौकशी अंती सत्य समोर येईल– अनिल शिसोदे- तत्कालीन चेअरमन विकास

सोसायटी- प्रगणे डांगरी