संजय राऊत यांची भूमिका जनतेला आवडली: बाळासाहेब थोरात

मुंबई: शिवसेना नेते खासदार संजय राऊत यांची प्रकृती बिघडल्याने त्यांच्यावर लीलावती रुग्णालयात उपचार सुरु आहे. त्यांच्यावर अॅन्जिओप्लास्टी शस्त्रक्रिया करण्यात आली आहे. दरम्यान सर्व पक्षीय नेते त्यांची रुग्णालयात भेट घेत आहे. दरम्यान आज बुधवारी कॉंग्रेस नेत्यांनी त्यांची भेट घेतली आहे. कॉंग्रेसचे प्रदेशाध्यक्ष बाळासाहेब थोरात, अशोक चव्हाण, माणिकराव ठाकरे, विश्वजित कदम आदींनी संजय राऊत यांची भेट घेत प्रकृतीची विचारपूस केली आहे. त्यानंतर कॉंग्रेस नेत्यांनी प्रसार माध्यमांशी संवाद साधला. यावेळी कॉंग्रेसचे प्रदेशाध्यक्ष बाळासाहेब थोरात यांनी संजय राऊत यांच्यासोबत त्यांच्या तब्येतीशिवाय दुसरी कोणतीही चर्चा झाली नसल्याचे सांगितले. संजय राऊत हे आमचे मित्र असून आमचे संबंध चांगले असल्याचे बाळासाहेब थोरात यांनी सांगितले.

संजय राऊत यांची भूमिका जनतेला आवडलेली आहे. त्यांनी राजकारणात चांगली भूमिका निभावली आहे असेही थोरात यांनी सांगितले आहे.