संबेरच्या विवाहितेची गळफास घेऊन आत्महत्या

पिंपळनेर। सुकापूर ग्रामपंचायत हद्दीतील सांडेल गावात एका विवाहितेने गळफास घेऊन आत्महत्या केल्याची घटना दि 13 रोजी सायंकाळी 7 वाजेच्या सुमारास घडली.

दरम्यान या प्रकरणी पिंपळनेर पोलिसात अकस्मात मृत्यूची नोंद करण्यात आली आहे.साक्री तालुक्यातलं सांडेल या अल्प लोकसंख्या असलेल्या गावात विवाहिता चंदाबाई चंदू मालुसरे 30 हिने राहत्या घरात दोरीच्या साहाय्याने गळफास घेऊन आत्महत्या केली. दरम्यान पती चंदू मालुसरे घरी आल्यावर आपल्या पत्नीला फासावर लटकलेली पाहून आरडा ओरड करून शेजार्‍यांना बोलावून चांदबाईस शासकीय रुग्णालयात नेण्यात आले. रुग्णालयात डॉक्टरांनी तपासणी केली असता तिला मयत घोषित केले. दरम्यान आत्महत्येचे कारण समजू शकले नाही. पुढील तपास पिंपळनेर पोलीस करत आहेत.