सज्जनगडावर पत्नीचा फोटो काढताना दरीत पडून पतीचा मृत्यू

सातारा । सातार्‍यातील आंबवडे बुद्रुक गावातल्या धनंजय जाधव आणि निलम यांचे चार महिन्यांपूर्वीच लग्न झाले होते. धनंजय आणि निलम फिरण्यासाठी सज्जनगडावर आले होते. निलमचा फोटो काढण्यासाठी धनंजय दरीच्या टोकावर उभा होता. मात्र पाय घरसल्यामुळे धनंजय दरीत कोसळला आणि त्याचा मृत्यू झाला.

या घटनेनंतर पत्नी निलमला देखील भोवळ येऊन ती जागीच कोसळली. शुद्धीवर आल्यानंतर तिने स्थानिकांना गोळा करुन घडलेला प्रकार सांगितला. लोकांनी दरीतून धनंजयचा मृतदेह बाहेर काढला. या घटनेनंतर जाधव कुटुंबावर शोककळा पसरली आहे.