सप्टेंबरपासून सकाळी 9 वाजताच उघडणार बँका !

नवी दिल्ली : सरकारी नियमानुसार सध्या नागरिकांसाठी बँकांचे कार्यालय खुले होण्याची वेळ सकाळी 10 वाजताची आहे. पण, लवकरच या वेळांमध्ये बदल केला जाण्याची शक्यता आहे. केंद्रीय वित्त मंत्रालयाच्या बँकींग विभागाने सर्वच सरकारी आणि ग्रामीण भागातील सहकारी बँकांनी सकाळी 9 वाजताच बँक खुली करण्याचा प्रस्ताव दिला आहे. ग्राहकांच्या मागणीनुसार या वेळांत बदल करण्यात येत आहे.

भारतीय बँकिंग असोसिएशनने ग्राहक सुविधांसाठी गठित केलेल्या उपसमितीच्या बैठकीत बँक उघडण्यासाठीच्या वेळेबाबतचे तीन प्रस्ताव दिले होते. त्यानुसार, सकाळी 9 ते दुपारी 3 वाजेपर्यंत. दुसरा सकाळी 10 ते 4 वाजेपर्यंत आणि तिसरा पर्याय सकाळी 11 ते सायंकाळी 5 वाजेपर्यंत अशा वेळांत बँक ग्राहकांसाठी खुली करावी. त्यानंतर, सकाळी 9 ते दुपारी 3 या वेळेबाबत निश्चित करण्यात आल्याचे सांगण्यात येत आहे.