समाधानकारक: आज नवीन रुग्णांपेक्षा बरे झालेले रुग्ण अधिक

जळगाव – जिल्ह्यात आज नव्याने 604 कोरोनाबाधित रूग्णांची भर पडली आहे. एकूण रुग्णसंख्या 23 हजार 527 झाली आहे. सर्वाधिक 116 कोरोबाधाीत रुग्ण हे जळगाव शहरात आढळून आले आहेत. दिवसभरात 15 कोरोनाबाधीत रुग्णांचा मृत्यू झाला आहे. दुसरीकडे दिवसभरात 617 रुग्ण कोरोनामुक्त झाले आहेत.

जिल्हयात दिवसेंदिवस कोरोनाबाधीतांची संख्या वाढतच आहे. यात सोमवारी नव्याने 604 कोरोनाबाधीत रुग्णांची भर पडली आहे. आज नव्याने आढळलेल्या रूग्णांमध्ये जळगाव शहर 116, जळगाव ग्रामीण 61, भुसावळ 54, अमळनेर 61, चोपडा 61, पाचोरा 43, भडगाव 19, धरणगाव 41, यावल 13, एरंडोल 23, जामनेर 30, रावेर 22, पारोळा 18, चाळीसगाव 20, मुक्ताईनगर 14, बोदवड 2, इतर जिल्ह्यातील 4 अशी रूग्ण संख्या आहे. दिवसभरात 15 कोरोनाबाधीत रुग्णांचा मृत्यू झाला आहे. यात भडगाव, जामनेर तालुक्यातील प्रत्येकी 3, अमळनेर, भुसावळ, चाळीसगाव प्रत्येकी 2 तर जळगाव शहर, यावल, चोपडा तालुक्यात प्रत्येकी 1 याप्रमाणे बाधीत रुग्णांचा मृत्यू झाला आहे. अशी माहिती जिल्हा शल्यचिकित्सक डॉ नागोराव चव्हाण यांनी दिली आहे.