सर्वसामान्यांना महागाईचा झटका:विनाअनुदानित सिलेंडर महागले

नवी दिल्ली-सर्वसामान्य नागरिकांना आणखी महागाईचा झटका बसणार आहे. विनाअनुदानित एलपीजी सिलिंडरच्या किंमतीमध्ये ३५.५० पैशांची वाढ करण्यात आली आहे. तर घरगुती अनुदानित गॅस सिलेंडरही महाग झालं असून, १.७६ रुपयांची वाढ करण्यात आली आहे.

जीएसटीमुळे ही दरवाढ करण्यात आल्याचं इंडियन ऑइल कॉर्पोरेशनने म्हटले आहे. १.७६ रुपयांनी महाग झाल्याने ४९६.२६ रुपयांवरून घरगुती अनुदानित गॅसची किंमत ४९८.०२ झाली आहे. आज मध्यरात्रीपासून या नव्या किंमती लागून होतील. यापूर्वी १ जुलै रोजी गॅसचे दर २.७१ रुपयांनी वाढवण्यात आले होते. दर महिन्याच्या १ तारखेला गॅसच्या किमतीचा आढावा घेऊन दरामध्ये बदल केला जातो.