सहा हजाराची लाच घेताना ग्रामसेवकाल अटक

तालिमीला अनुदान मंजूर करण्यासाठी

वडगाव : वडगाव मावळचे ग्रामसेवक दिपक शिरसाट याला सहा हजार रुपयांची लाच घेताना मंगळवारी लाचलुचपत प्रतिबंधक विभागाने रंगे हात पकडले आहे. ही कारवाई मंगळवारी दुपारी वडगाव मावळिंचायत समिती कार्यालयाच्या आवारात करण्यात आली. दीपक श्रीराम शिरसाठ (वय 49, रा. वडगाव मावाळ) असे अटक केलेल्या ग्रामसेवकाचे नाव आहे.

सापळा रचून केली अटक!
सरकारकडून 14 व्या वित्त आयोगापोटी तालीमीसाठी मंजूर झालेले 8 लाख 68 हजार 480 रुपयांचे अनुदान देण्यासाठी शिरसाठ याने वडगाव येथील बजरंग तालीमचे सचिवाकडे 20 हजार रुपयांची लाच मागितली होती. या आधी 14 हजार रुपये शिरसाठ याला दिले होते. उर्वरीत रक्कम 6 हजार देणे बाकी होते. दरम्यान तक्रारदाराने याची तक्रार लाचलुचपत प्रतिबंधक विभागाकडे केली असताना दुपारी पंचायत समितीच्या कार्यालयात हा सापळा रचून शिरसाठ याला अटक कऱण्यात आले. शिरसाठ याच्यावर लाचलुचपत प्रतिबंधक कायद्यानुसार वडगाव मावळ पोलीस ठाण्यात गुन्हा दाखल करण्यात आला आहे.