साईबाबांच्या जयघोषात यावल ते शिर्डी पायी पालखी रवाना

यावल- शहरातील श्री साई भक्तांकडून सालाबादाप्रमाणे रविवारी यावल ते शिर्डी पायी पालखी रवाना झाली. सकाळी श्री साईबाबा मंदिरातून शहरात शोभायात्रा काढत सदरील पायी पालखी दुपारी शिर्डीकडे रवाना झाली .तत्पुर्वी मान्यवरांच्या हस्ते पालखी पुजन व भाविकांना प्रसाद वितरण करण्यात आले. रस्त्यात आठ दिवस मुक्काम केल्यावर 31 डिसेंबर रोजी सदरील पालखी शिर्डीत दाखल होणार आहे. यावल शहरात मेन रस्त्यावर श्री साई बाबांचे मंदिर आहे या मंदिराच्या वतीने दरवर्षी डिसेंबर महिन्यात यावल ते शिर्डी पायी पालखी नेण्यात येत.

साईंच्या जयघोषात पालखी रवाना
रविवारी सकाळी श्रींच्या मुर्तीचा अभिषेक, मंगलस्नान, पादूका पुजन केल्यावर सकाळी 8.30 वाजेला ध्वजपुजन करून पालखी पुजन नगराध्यक्षा सुरेखा कोळी, सेनेचे जिल्हा उपप्रमुख मुन्ना पाटील, भुसावळचे माजी प्रभारी नगराध्यक्ष अनिल चौधरी, नगरसेवक अभिमन्यु चौधरी, धीरज चौधरी, दिलीप वाणी, सागर चौधरींसह पालखी उत्सव समितीचे अध्यक्ष संजय गोविंद पाठक, पालखी अध्यक्ष हिरालाल रघुनाथ सोनार, महेश भगवान महाजन, अनिल कोळी, हर्षल मोरे, निलेश सुर्यवंशी, गणेश सुरळकर, राहूल कोळी, दिपक वाघ, बाळा कोलते, लक्ष्मण सपकाळे, जीवन महाजन, संतोष खर्चे आदींची उपस्थितीत पालखीचे करण्यात आले व शहरातुन शोभा यात्रा काढण्यात आली. पालखीचा रात्री मुक्काम धानोरा ता. चोपडा येथे तसेच चोपडा वेले, अमळनेर, फागणे, झोडगे, चौंडी जळगाव, सावरगाव, कोपरगाव असे मुक्काम करीत 31 डिसेंबर रोजी श्री साईबाबा मंदिरात शिर्डीत पालखी दाखल होणार आहे.