सातार्‍यात उदयनराजेंवर खंडणीचा गुन्हा दाखल
सातारा । राष्ट्रवादी काँग्रेसचे सातार्‍याचे खासदार उदयनराजे भोसले व रामराजे निंबाळकर याच्यांतील संघर्ष थांबण्याची चिन्हे काही दिसत नाही आहे. तो अजुन वाढत आहे. सोना अलाईज कंपनीत दोन संघटना असून त्यांच्यातील वर्चस्वाच्या लढाईत ते अजून वाढत आहे. मॅनेजर राजकुमार जैन यांनी उदयनराजे व त्यांच्या सहकार्‍यावर मारहाण व खंडणीचा गुन्हा दाखल केला आहे.
दोन संघटनांचा वाद
सातारा जिल्ह्यातील लोणंद शहराजवळ सोना अलाईज नावाची कंपनी आहे. या कंपनीत उदयनराजे यांच्या नेतृत्वात काम करणारी एक माथाडी कामगार संघटना आहे, तर दुसर्‍या संघटनेचे नेतृत्व रामराजे निंबाळकर करतात.कंपनी रामराजेंच्या संघटनेला झुकते माप देते, त्यांना अधिक काम देते, असा उदयनराजेंचा आरोप होता. त्यामुळे 18 फेब्रुवारीला त्यांनी कंपनीचे अधिकारी राजकुमार जैन यांना सातारा विश्रामगृहात बोलावून घेवून .उदयनराजे आणि त्यांच्या सहकार्‍यांनी राजकुमार जैन यांना तिथे मारहाण केली आणि काही ऐवज काढून घेतला, अशी तक्रार जैन यांनी सातारा पोलीस स्टेशनला दिल्यानंतर उदयनराजे आणि त्यांच्या साथीदारांवर मारहाण आणि खंडणीचा गुन्हा दाखल करण्यात आला आहे. अशोक सावंत, रणजीत माने, सुकुमार रासकर, धनाजी धायगुडे, राजकुमार गायकवाड, अविनाश सोनवले, ज्ञानेश्वर कांबळे आणि योगेश बांदल अशा 9 जणांना अटक करण्यात आली आहे.