महापालिकेच्या कर्जमुक्तीवरून शिवसेना- भाजप नगरसेवकांमध्ये जुंपली
प्लास्टीक पिशव्यांच्या कारवाईची मोहिम का थांबली-बरडे;भोईटेनगर जवळ बोगदा करण्याचा प्रस्ताव स्थायी सभेत तहकुब
जळगाव– महापालिकेने शहरात दैनंदिन स्वच्छता व कचरा संकलन करण्यासाठी वॉटर ग्रेस कंपनीला दिला आहे. मात्र मक्तेदाराची मनमानी सुरु आहे.कचर्‍याचे वजन वाढविण्यासाठी माती भरणे, प्रशासनाकडून मक्तेदाराल पाठीशी घालणे ते घंटागाड्यावरील कर्मचार्‍यांना वेतन मिळत नसल्याने त्यांनी आंदोलन करणे अशा सफाई मक्तेदाराच्या मुद्यावरून शुक्रवारी स्थायी समिती सभेत नगरसेवकांनी आरोग्य अधिकार्‍यांनी चांगलेच धारेवर धरले.मनपा स्थायी समितीची सभा सभापती अ‍ॅड. शुचिता हाडा यांच्या अध्यक्षतेखाली झाली. यावेळी व्यासपीठावर उपायुक्त अजित मुठे, उपायुक्त मिनिनाथ दंडवते, लेखा परीक्षक संतोष वाहुळे, नगरसचिव सुनील गोराणे उपस्थित होते.
आरोग्य विभागाकडून दिली जाते चुकीची माहिती
सभेत आरोग्य समिती सभापती चेतन सनकत यांनी सफाईचा मुद्दा उपस्थित करत आरोग्य विभागाकडून दिली जाणारी माहिती अपूर्ण देली जात असल्याची आरोप केले. यापूढे मक्तेदाराचे बिल कर्मचार्‍यांचे किमान वेतन नुसार अदा केल्या शिवाय देवू नये अशी मागणी केली. यावेळी सभापतींनी आरोग्य अधिकारी डॉ. विकास पाटील यांना चांगलेच धारेवर धरत सदस्यांनी मागितलेली माहिती एकतर वेळेत तुम्ही देत नाही, त्यात चुकीची माहिती व अपूर्ण माहिती देतात. तुम्हाला तुमच्याच विभागातील माहिती नाही का असे म्हणत चेतन सनकत यांनी आरोग्य अधिकार्‍यांना सुनावले.
भोईटेनगर रेल्वे गेटवरील प्रस्तावाबाबत सभापतींनी मागितला अहवाल
भोईटेनगर रेल्वे गेटवर उड्डापूल प्रस्तावित आहे. त्यात पिंप्राळा रस्त्याकडे जाण्यासाठी 8 मीटर पेक्षा रस्ता कमी असल्याने पुल उतरवीणे शक्य नसल्याचे पत्र रेल्वे प्रशासनाने महापालिकेला दिले आहे. त्यावर पर्याय म्हणून बोगदा करण्याचा प्रस्ताव महापालिकेने दिला आहे. हा प्रस्ताव स्थायी सभेत आज मांडला. यावर विष्णू भंगाळे, नवनाथ दारकुंडेनी हा मार्ग मर्यादीत असून शिवाजीनगर सारखी समस्या पुढे निर्माण होईल अशी सुचना मांडली. यावर स्थायी सभापतींनी पिंप्राळा रस्त्यावर पुल तयार करण्यास काय अडचणी आहे याची विचारली केली. यावेळी नगरचना विभागाचे अभियंता ईस्माईल शेख यांनी माहिती दिली. यावर सभापतींनी नगरचना विभागाने पून्हा या रस्त्यावर सिमाकंन करून, रेल्वेची भिंत आपल्या हद्दीत आहे का ? किती अतिक्रमण आहे ? ते काढता येईल का ? त्यानंतर पुल तयार करता येवू शकतो का ? असा अहवाल पुढील स्थायी सभेत द्यावा. तो पर्यंत हा प्रस्ताव हा तहकुब ठेवावा असे सांगितले.
हप्ते घेणार्‍या कर्मचार्‍यांची चौकशी करावी- बरडे
महापालिकेने प्लास्टीक पिशव्यांची कारवाई का थांबवली, आतापर्यंत जप्त केलेले प्लास्टीक पिशव्यींची परस्पर विक्री केली का? असा सवाल नितीन बरडे यांनी उपस्थित केला. कर्मचार्‍यांचे हप्ते सुरू झाले असून याची सोखल चौकशी करावी अशी मागणी त्यांनी यावेळी केली. यावर उपायुक्त मिनिनाथ दंडवते यांनी याबाबत चौकशी करुन दोषींवर कारवाई केली जाईल असे सांगितले.