सारंगखेड्यात विक्रमी उलाढाल
शहादा (बापू घोडराज) । जगभरातील पर्यटकांचे आकर्षण ठरलेल्या सारंगखेडा यात्रोत्सवात गेल्या तेरा दिवसात 805 अश्‍वांची विक्री होऊन 2 कोटी 35 लाख 72 हजार 800 रूपयांची विक्रमी उलाढाल झाली आहे. 2 जानेवारीपर्यंत हा अश्‍व मेळावा सुरू राहणार असल्याने ऐतिहासिक विक्रीची नोंद होण्याची अपेक्षा व्यक्त केली जात आहे. दरम्यान, यात्रोत्सवात विविविध स्पर्धा आयोजित केल्या जात असून पर्यटकांना आकर्षित केले जात आहे.
2 हजार घोडे दाखल
जगभरात अश्‍व बाजारासाठी प्रसिध्द असलेल्या सारंगखेडा यात्रेलाला 2 डिंसेबर पासून प्रारंभ झाला असुन देशाच्या कानाकोपर्‍यातुन सुमारे 2 हजाराहुन अधिक विविध प्रकारचे जातिवंत घोडे विक्रीसाठी दाखल झाले आहेत. या यात्रेत अश्‍वप्रेमी मोठ्या प्रमाणावर देश-विदेशातून दाखल होऊन अश्‍व मेळाव्यामध्ये आनंद लुटतांना दिसून येत आहेत. गेल्या 14 दिवसा पासून या ऐतिहासिक अश्‍व विक्री बाजारात सुमारे 2 हजार घोडे विक्रीसाठी दाखल झाले असून शुक्रवार दि 15 डिसेंबर अखेर पर्यंत. 805 अश्‍वांची विक्री होऊन सुमारे 2 कोटी 35 लाख 72 हजार 800 रूपयांची विक्रमी उलाढाल झाली आहे.
जयपालसिंह रावल प्रयत्नशील
यात्रेत एवढ्या कमी दिवसांत विक्रमी उलाढाल झाल्याने आश्‍चर्य व्यक्त केले जात आहे. 2 जानेवारी पर्यंत हा अश्‍व मेळावा सुरू राहणार असुन ऐतिहासिक विक्रीची नोंद होणार आहे असे ही बोलले जात आहे. सारंगखेडा अश्‍व मेळावा हा आंतरराष्ट्रीय स्तरावर पर्यटकांसाठी कसा आकर्षित होईल त्यासाठी या मेळाव्यात दररोज अश्‍वांच्या न्रुत्य स्पर्धा , शर्यत स्पर्धा यासह विविध स्पर्धाचे आजोजन करून पर्यटकांना आकर्षित केले जात आहे. यासाठी चेतक फेस्टीव्हचे अध्यक्ष जयपालसिंह रावल हे प्रयत्नशिल आहेत.