सारा तेंडुलकरला त्रास देणारा अटकेत

मुंबई : सचिन तेंडुलकरची मुलगी सारा तेंडुलकरला फोन करुन त्रास देणार्‍या तरूणाला मुंबई पोलिसांनी पश्चिम बंगालमधून अटक केली. देव कुमार मैती असे त्याचे नाव असून त्याला चौकशीसाठी मुंबईत आणले जाणार आहे. सारा तेंडुलकरला गेल्या काही दिवसांपासून तो फोन करुन त्रास देत होता. या प्रकरणी पोलिसांकडे तक्रार करण्यात आली होती.

मुंबई पोलिसांनी आरोपीचा शोध घेतला असता पश्चिम बंगालमधील मिदनापूरमधून देव कुमार मैती या तरुणाने हे फोन केल्याचे उघड झाले. मुंबई पोलिसांच्या पथकाने पश्चिम बंगाल पोलिसांच्या मदतीने देवकुमार मैतीला अटक केली. साराचे अपहरण करण्याची धमकी तो देत होता. साराशी लग्न लावून देण्यासाठी तो धमकी द्यायचा, असे एका वृत्तवाहिनीने म्हटले आहे.