धक्कादायक: सार्वजनिक शौचालयात चिमुरडीवर बलात्कार करून हत्या !

मुंबई- जुहू परिसरातील एका सार्वजनिक शौचालयात नऊ वर्षांच्या मुलीवर बलात्कार करून तिची हत्या करण्यात आल्याची धक्कादायक घटना घडली आहे. या प्रकरणी जुहू पोलिसांनी ३५ वर्षीय देवेंद्र वड्डी याला अटक करण्यात आली आहे.

गेल्या दोन दिवसांपासून संबंधित मुलगी बेपत्ता होती. तिचा शोध सुरू असताना आज ती एका सार्वजनिक शौचालयात मृतावस्थेत आढळली. तिच्यावर बलात्कार झाल्याचे वैद्यकीय तपासणीनंतर उघड झाले आहे. देवेंद्र वड्डी या तरुणाने हे कृत्य केल्याचे चौकशीअंती समोर आले. वड्डी हा याच परिसरात राहणारा असून त्याच्यावर याआधीही काही गुन्हे दाखल आहेत. पोलिसांनी त्याला अटक केली असली तरी या भागात प्रचंड तणाव आहे. आरोपीला ताब्यात देण्याची मागणी करत संतप्त नागरिकांनी पोलीस ठाण्याबाहेर गर्दी केली आहे.