सिध्दांत, जयेशची, पात्रता फेरीत आगेकूच
पुणे । एमएसएलटीए व पीएमडीटीए यांच्या तर्फे आयोजित चौथ्या 50000डॉलरहून अधिक पारितोषिक रकमेच्या हॉस्पिटॅलिटी केपीआयटी एमएसएलटीए एटीपी चॅलेंजर स्पर्धेत भारताच्या सिध्दांत बांठिया, जयेश पुंगलीया, सिधार्थ रावत, एन. विजय सुंदर प्रशांत, चंद्रील सुद, रणजीत विरल मुरुगेसन, लक्षीत सुद यांनी आपापल्या प्रतिस्पर्ध्यांचा पराभव करत पात्रता लढतींच्या फेरीत प्रवेश केला.
बालेवाडीतील शिवछ्त्रपती क्रीडा संकुलात शनीवारपासून सुरू झालेल्या या स्पर्धेत पहिल्या पात्रता फेरीत भारताच्या सिध्दांत बांठियाने सिध्दार्थ विश्वकर्माचा 7-6, 6-1 असा पराभव करत दुसर्या पात्रता फेरीत प्रवेश केला. भारताच्या पाचव्या मानांकीत सिधार्थ रावतने ध्रुव सुनीशचा 6-4, 7-6 असा पराभव केला. सातव्या मानांकीत एन. विजय सुंदर प्रशांत याने अन्वित बेंद्रेचा 6-4, 6-2 असा पराभव केला.
तर भारताच्या चंद्रील सुदने सरबीयाच्या मिलान राडोझोकोवीक याचा 6-1, 7-5 असा पराभव करत दुसरी पात्रता फेरी गाठली. चौथ्या मानांकीत फ्रांसच्या हुगो ग्रेनिअरने कझाकस्तानच्या अॅलेक्सा काद्रुकचा 6-1,6-1 असा पराभव केला. ऑस्ट्रेलीयाच्या अॅलेक्सी पोप्रीन याने भारताच्या विनायक शर्मा काझाचा 6-3, 7-5 असा तर रशियाच्या शाल्वा झानाशीयाने भारताच्या अभिनव शानमुगमचा 6-2, 6-4 असा पराभव करत दुसर्या पात्रता फेरीत प्रवेश केला.
स्पर्धेचा सविस्तर निकाल- पहिली पात्रता फेरी : हुगो ग्रेनिअर(फ्रांस,4) विजयी विरुद्ध अॅलेक्सा काद्रुक(कझाकस्तान) 6-1,6-1. सिद्धार्थ रावत(भारत, 5) विजयी विरुद्ध (वाइल्ड कार्ड) ध्रुव सुनीश(भारत) 6-4, 7-6, तिमुर खाबिबुलीन(कझाकस्तान) विजयी विरुद्ध नाओकी नाकागावा(जपान, 6) 2-6, 7-6, 6-4. एन. विजय सुंदर प्रशांत(भारत,7) विजयी विरुद्ध अन्वित बेंद्रे(भारत) 6-4, 6-2