सीआरएमएसच्या धरणे आंदोलनाला यश : रेल्वे प्रशासनाची सकारात्मक चर्चा

भुसावळ : तिकीट चेकींग स्टाफला रोटेशनमध्ये भेदभाव दूर करून सर्वांना न्याय देण्यात यावा, एसपीएडी केसेसमध्ये रेल्वे सेवेतून कमी केलेल्या कर्मचार्‍यांना नोकरीत घेण्यात यावे, कर्मचार्‍यांचा थांबविलेला टीए तत्काळ देण्यात यावा, तिकीट चेकींग स्टॉफला अमेनिटीमध्ये रेल्वे बोर्डच्या नियमानुसार डबे वाटप करण्यात यावे, तिकीट चेकींग स्टाफला पॅनल त्वरीत जारी करण्यात यावे, सर्व विभागातील रीक्त पदे त्वरीत भरावीत, खराब रस्ते दुरूस्त करावे, निवासस्थाने दुरुस्त करावे, मुख्यालयाच्या आदेशानुसार सहा ट्रॅक मेन्टेनन्स कर्मचार्‍यांना सी अ‍ॅण्ड डब्ल्यू मध्ये सोडण्यात यावे, टीटीइॅ लॉबीमध्ये सुविधा देण्यात याव्यात, भुसावळ बुकींग ऑफिसमध्ये थंड पाण्याचा कुलर लावावा आदी मागण्यांसाठी डीआरएम कार्यालयाबाहेर सीआरएमएस संघटनेतर्फे शुक्रवारपासून धरणे आंदोलन छेडण्यात आले होते. मंगळवारी सकाळी एडीआरएम रुकवैय्या मीना व वरीष्ठ कार्मिक अधिकारी एन.डी.गांगुर्डे यांनी आंदोलकांची भेट घेत लवकरात-लवकर मागण्यांची पूर्तता करण्यात येईल, असे आश्वासन दिल्याने आंदोलकांनी धरणे आंदोलन मागे घेतले. मागण्यांची पूर्तता न झाल्यास आंदोलन छेडण्याचा इशाराही देण्यात आला. यांचा आंदोलनात सहभाग सीआरएमएसचे मंडळ अध्यक्ष व्ही.के.समाधिया यांच्या नेतृत्वात आंदोलनात मंडळ सचिव एस.बी.पाटील, मंडळ सचिव वर्कशॉप किशोर भागवत कोलते, मंडळ समन्वयक एस.के.दुबे, मंडळ संघटक पी.के. रायकवार, महिला अध्यक्ष कुंदलता थूल आदी सहभागी झाल्या होत्या.