सैनिकांप्रती आदरभाव पाहून मिळाले जगण्याचे बळ

पोलादपूर : माजी सैनिक आणि शहिद जवानांच्या कुटूंबियांना सैनिकांकडून झालेला सत्कार आणि आपुलकीच्या भावनेने एकटेपणाची भावना दूर होऊन जगण्याचे बळ मिळते, असे भावनिक उद्गार कारगिल शहीद लक्ष्मण निकम यांच्या पत्नी संगिता निकम यांनी व्यक्त केले.

यावेळी माजी सैनिक संघटनेचे अध्यक्ष कॅप्टन श्रीपत जगदाळे, उपाध्यक्ष नामदेव उतेकर, सचिव सुभेदार परशुराम दरेकर, कॅप्टन विष्णू सावंत, वसंत नलावडे, सुभेदार गणपत निकम, मधुकर शिंदे, रामचंद्र नरे मान्यवर उपस्थित होते. यावेळी कारगिल युध्दातील शहिदाची पत्नी संगीता निकम यांचा सन्मान करण्यात आला. या प्रसंगी दीपप्रज्वलन, छत्रपती शिवाजी महाराजांच्या प्रतिमेचे पूजन तसेच विविध युध्दात शहीद झालेल्या जवानांना श्रध्दांजली अर्पण करण्यात आली. यावेळी कारगिल युध्दात सहभागी झालेल्या निवृत्त सुभेदार व जवानांनी आपले अनुभव कथन केले.