सोनमच्या लग्नासाठी ई-पत्रिका

मुंबई :- अभिनेत्री सोनम कपूरच्या लग्नाबाबतचे अनेक गोष्टी समोर आले आहेत. सोनमने अगदी साध्या पद्धतीचे लग्न करण्याचा निर्णय घेतला आहे. लग्न लग्नकार्यामध्ये अवास्तव खर्च करणार नाही असे काही दिवसांपूर्वी सांगितले होते. सोनमच्या या निर्णयाबरोबरच तिने आणखी एक महत्वपूर्ण निर्णय घेतला आहे. हा निर्णय केवळ महत्वपूर्णच नाही तर पर्यावरणपूरक सुद्धा असल्याचे तिने सांगितले आहे. तिच्या या निर्णयाला प्रियकर आनंद आहुजा आणि घरातील अन्य सदस्यांनीही पाठिंबा दिला.

सोनमच्या लग्नासाठी पाहुण्यांना ई-कार्डद्वारे पत्रिका पाठवून आमंत्रित करण्यात येणार आहे. तसेच पर्यावरण संरक्षणासाठी आणि कागदाचा अपव्यय टाळण्यासाठी लग्नपत्रिका न छापण्याचा निर्णय घेतला आहे. सोनमने ‘बॉलिवूड लाईफ’ने दिलेल्या वृत्तात स्पष्ट केले आहे. दरम्यान, सोनमचे लग्न ७ किंवा ८ तारखेला वांद्र्यामधील हेरिटेज हवेली येथे होणार असल्याचे सांगण्यात आहे. तर लग्नापूर्वीचे कार्यक्रम म्हणजेचे मेहंदी, संगीत हे एकाच ठिकाणी न होता वेगवेगळ्या ठिकाणी होणार आहेत. यातील संगीत कार्यक्रमामध्ये नृत्य दिग्दर्शिका फराह खान कोरियोग्राफ करणार आहे.