स्थायी समितीच्या अध्यक्षपदी सुनील कांबळे

पुणे : महापालिकेच्या स्थायी समितीच्या अध्यक्षपदी भाजप-शिवसेना युतीचे सुनिल कांबळे यांची बिनविरोध निवड करण्यात आली. मंगळवारी महापालिकेच्या स्थायी समितीच्या अध्यक्षपदासाठी निवडणूक घेण्यात आली.

या पदासाठी भाजपने ज्येष्ठ नगरसेवक सुनील कांबळे यांना उमेदवारी दिली होती. स्थायीतील संख्याबळ लक्षात घेता, अध्यक्षपदी कांबळे यांची निवड निश्चित मानली जात होती. त्यांच्या निवडीची औपचारिक घोषणा मंगळवारी करण्यात आली. या निवडणुकीसाठी राष्ट्रवादी आणि काँग्रेसनेही उमेदवार उतरविला होता. राष्ट्रवादीच्या उमेदवार स्मिता कोंढरे यांनी माघार घेतल्याने सुनील कांबळे यांची बिनविरोध निवड झाली. स्थायी समितीत भाजपचे दहा, राष्ट्रवादीचे चार आणि काँग्रेस, शिवसेनेचा प्रत्येक एक सदस्य आहे. त्यामुळे भाजपचे कांबळे यांची निवड निश्चित असल्याचे वर्तविले जात होते.