स्वयंपाक करतांना महिला भाजली; उपचारादरम्यान रूग्णालयात मृत्यू

जळगाव। कुसुंबा येथील विवाहिता बुधवारी दुपारी 1.30 वाजेच्या सुमारास स्वयंपाक करीत असताना भाजली. तिला जिल्हा सामान्य रुग्णालयात उपचारासाठी दाखल केले होते. उपचारा दरम्यान दुपारी 3.15 वाजेच्या सुमारास तिचा मृत्यू झाला. याप्रकरणी एमआयडीसी पोलिस ठाण्यात आकस्मात मृत्यूची नोंद करण्यात आली आहे.

कुसुंबा येथील बबिता सुनील कोळी (वय 38) या स्वयंपाक करीत असताना 85 टक्के भाजल्या. त्यांना उपचारासाठी तत्काळ जिल्हा सामान्य रुग्णालयात दाखल करण्यात आले. मात्र उपचारा दरम्यान 3.15 वाजेच्या सुमारास त्यांचा मृत्यू झाला. आपतकालीन वैद्यकीय अधिकारी डॉ. अतुल पाटील यांनी दिलेल्या फिर्यादीवरून एमआयडीसी पोलिस ठाण्यात गुन्हा दाखल करण्यात आला आहे.