हतनूर धरणाचे 36 दरवाजे उघडले

भुसावळ- हतनूर धरणाच्या लाभक्षेत्रात सुरू असलेल्या पावसामुळे धरणाचे तब्बल 36 दरवाजे एका मीटरने उघडण्यात आले असून तापी-पूर्णा नदीला पूर आल्याने प्रशासनाने गावकाठच्या ग्रामस्थांना सतर्कतेचा इशारा दिला आहे. यंदाच्या पावसाळ्यात प्रथमच 36 दरवाजे उघडल्याने तापी नदी दुथडी भरुन वाहत आहे. तापी आणि पूर्णा नदीच्या उगमक्षेत्रात तसेच हतनूरच्या पाणलोटक्षेत्रात मंगळवारी दिवसभरात 288 मिलीमीटर पावसाची नोंद झाली. बर्‍हाणपूर 29, देडतलाई 128, टेक्सा 10.2, ऐरडी 11, गोपाळखेडा 21, चिखलदरा 50, लखपूरी 38, लोहारा 30 मिलीमीटर पावसाची नोंद करण्यात आली. हतनूर धरण लाभक्षेत्रात सुरू असलेल्या पावसामुळे धरणात मोठ्या प्रमाणावर पाण्याची आवक वाढत असल्याने बुधवारी दुपारी एक वाजता हतनूरचे 36 दरवाजे उघडण्यात आले.