हप्ता द्यावा म्हणून दाम्पत्यास मारहाण

जळगाव । दरमहा पाच हजार रुपये हप्ता द्यावा या कारणावरून तिघांनी दाम्पत्यास मारहाण करून जिवे मारण्याची धमकी दिल्याची घटना आज रविवारी कृष्णानगर येथे शनिवारी सायंकाळी 5 वाजेच्या सुमारास घडली. याप्रकरणी मारहाण करणार्‍या तिघांविरूध्द गुन्हा दाखल करण्यात आला आहे. शहरातील सुप्रिम कॉलनी येथील कृष्णानगरात दिनेश लालजी बिंद वय-34 हे पत्नी सोबत राहतात. तर ते मनिश ऑपरेटर म्हणून कामाला आहेत.

5 हजारांचा मागितला हप्ता
शनिवारी सायंकाळी 5 वाजेच्या सुमारास किरण शंकर खर्चे, कविता दिलीप परदेशी, आकाश दिलीप परदेशी सर्व रा. कृष्णानगर यांनी दरमहा 5 हजार रुपये हप्ता मागणी केली. याचा जाब विचारला असता तिघांनी दिनेश बिंदे यांना व त्यांच्या पत्नीला मारहाण करून जीवे मारण्याची धमकी दिली. बिंदे यांनी लागलीच पोलीस स्टेशन गाठत घडलेला प्रकार सांगितला. यानंतर एमआयडीसी पोलीस ठाण्यात मारहाण करणार्‍या किरण शंकर खर्चे, कविता दिलीप परदेशी, आकाश दिलीप परदेशी या तिघांविरूध्द गुन्हा दाखल करण्यात आला आहे.
याप्रकरणीचा पुढील तपास पोहेकॉ. रामकृष्ण पाटील हे करीत आहेत. तसेच या मारहाणीत दिनेश बिंद व त्यांच्या पत्नी हे दोघे गंभीर जखमी झाल्या आहेत.