हिंजवडीत ज्येष्ठ नागरिकाचा अपघाती मृत्यू

हिंजवडी : येथे अपघातात एका 61 वर्षीय इसमाचा मृत्यू झाला. ही घटना शुक्रवारी (दि. 15) सायंकाळी साडेसहा वाजता घडली. कुंदन बाबुलाल जोशी (वय 61, रा. आंबेगाव पाठर, कात्रज) असे मृत्यू झालेल्या व्यक्तीचे नाव आहे. याप्रकरणी अर्जून महादराम देवासी (वय 32, रा. मयूर कॉलनी, कोथरूड) याच्याविरुद्ध गुन्हा दाखल करण्यात आला आहे.

याप्रकरणी हर्षदा जोशी यांनी हिंजवडी पोलीस ठाण्यात तक्रार दिली आहे. जोशी यांच्या फिर्यादीनुसार, कुंदन जोशी हे शुक्रवारी त्यांच्या दुचाकीवरून जात असताना देवासी त्यांच्या दुचाकीवरुन येत होते. यावेळी देवासी हे बेदरकारपणे गाडी चालवत होते. यातच त्यांच्या दुचाकीची जोशी यांच्या दुचाकीला धडक बसली. त्यात कुंदन जोशी गंभीर जखमी झाले होते. उपचारादरम्यान त्यांचा मृत्यू झाला. हिंजवडी पोलीस अधिक तापास करत आहेत.