हृदयविकाराच्या झटक्याने पिंप्राळ्यातील प्रौढाचा मृत्यू

जळगाव । पिंप्राळा येथील प्रौढाचा हृदयविकाराच्या झटक्याने रविवारी पहाटे 5.20 वाजेच्या सुमारास मृत्यू झाल्याची घटना घडली असून याबाबत रामानंद नगर पोलिस ठाण्यात अकस्मात मृत्यूची नोंद करण्यात आली आहे. एकनाथ रतन पाटील असे मयताचे नाव आहे. पिंप्राळा परिसरातील निसर्ग कॉलनी येथील रहिवासी एकनाथ रतन पाटील यांना रविवारी पहाटे हृदयविकारचा झटका आला. त्यांना कुटूंबिय जिल्हा रूग्णालयात येवून जात असतांना त्यांचा रूग्णवाहिकेत मृत्यू झाला.

यानंतर जिल्हा रूग्णालयात आणल्यानंतर डॉ. सुपे यांनी त्यांची तपासणी केली असता पाटील यांना मृत घोषित केले. त्यानंतर डॉ. सुपे यांच्या खबरीवरून रामानंद नगर पोलिस ठाण्यात अकस्मात मृत्यूची नोंद करण्यात आली आहे. याप्रकरणीचा पूढील तपास पोलिस हेडकॉस्टेबल अरूण पाटील हे करीत आहेत.