1 मेपासून वीरपत्नीला एसटी प्रवास मोफत

बाळासाहेब ठाकरे शहीद सन्मान योजना
मुंबई : भारतीय सैन्यातील शहीद जवानाच्या पत्नीला एसटीच्या सर्व प्रकारच्या बसेसमधून आजीवन मोफत प्रवास सवलत मिळणार आहे. दिवंगत शिवसेनाप्रमुख बाळासाहेब ठाकरे शहीद सन्मान योजनेतंर्गत एसटी महामंडळाने वीरपत्नींसाठी ही सवलत जाहीर केली आहे.

लवकरच वीरपिता, वीरमातांना सवलत
या योजनेची अंमलबजावणी महाराष्ट्र दिनापासून म्हणजेच 1 मेपासून होणार आहे. यासंदर्भातील सूचना एसटीच्या सर्व कार्यालयांना प्राप्त झाल्या असून, राज्यातील सर्व जिल्हा सैनिक कल्याण अधिकारी कार्यालयांना एसटीने एक मार्गदर्शक सूचना जारी केली आहे. सुरुवातीला शहीद जवानांच्या पत्नीला एसटीचा आजीवन मोफत प्रवास राहणार आहे. टप्प्याटप्य्याने वीरपिता म्हणजे शहीद जवानाचे वडील, वीरमाता म्हणजे शहीद जवानाची आई यांनादेखील ही सवलत मिळणार आहे.