1 सप्टेंबरपासून होणार मोफत उद्योजकता शिबिर

निगडी:स्मार्ट सिटी स्मार्ट स्टार्टअप अंतर्गत पिंपरी-चिंचवडमधील नवोदित उद्योजकांना नवीन उद्योगांबाबत माहिती देण्यासाठी हे शिबिर राबविण्यात येत आहे. शंभर दिवसांच्या मोफत शिबिराचा जास्तीत जास्त तरुणांनी लाभ घ्यावा, असे आवाहन राष्ट्रीय युवा पुरस्कार विजेते व भाजपा कार्यकारिणी सदस्य अमित गणपत गोरखे व अ प्रभाग अध्यक्षा अनुराधा गोरखे यांनी केले आहे.

अमित गोरखे याबाबत माहिती देताना म्हणाले की, 1 सप्टेंबर ते 30 नोव्हेंबर या कालावधीत निगडी येथील नॉव्हेल इन्स्टिटयुटमध्ये गुरुवार व शुक्रवार यादिवशी सायंकाळी पाच ते सात वाजेपर्यंत या उद्योजकता शिबिराचा लाभ तरुणांना घेता येणार आहे. हे शिबिर पूर्णपणे मोफत  आहे. पंतप्रधानांची योजना तळागाळांपर्यंत पोहोचावी. नवीन उद्योग सुरु करायचा असेल किंवा त्याचा विस्तार कसा मोठा करता येईल याबाबतचे मार्गदर्शन या शिबिरात तज्ज्ञ व्यक्ती करणार आहे. तरी या शिबिराचा लाभ घेण्यासाठी आजच 9119445533 या नंबर वर हळ सेंड करा व आपली सीट बुक करा. हा कार्यक्रम पूर्णपणे मोफत असणार आहे.