137 कोटी 30 लाख जीएसटी अनुदान

पुणे । पुणे महापालिकेला स्थानिक संस्था कराची नुकसान भरपाई म्हणून राज्यशासनाकडून महापालिकेस वस्तू आणि सेवा (जीएसटी) कर अनुदान दिले जाते. डिसेंबर 2017 या महिन्याच्या अनुदानाचा सुमारे 137 कोटी 30 लाख रुपयांचा हप्ता महापालिकेच्या तिजोरीत जमा करण्यात आले असून यामुळे विभागाचे उत्पन्न 1 हजार 250 कोटींवर पोहोचले आहे.

100 कोटीचे अनुदान येणे बाकी
राज्यात 1 जुलैपासून जीएसटी सुरू करण्यात आला आहे. त्यामुळे महापालिकेचा एलबीटी हा अंदाजपत्रकातील प्रमुख स्रोत बंद झालेला आहे. त्यामुळे महापालिकेचे होणारे आर्थिक नुकसान भरून देण्यासाठी पालिकेला दर महिन्यास हे अनुदान दिले जाते. पालिकेच्या 2017-18 या वर्षाच्या अंदाजपत्रकात एलबीटी विभागास 1 हजार 748 कोटीचे उद्दिष्ट देण्यात आले आहे. या अनुदानामुळे तसेच राज्यशासनाकडून अद्याप महापालिकेस सुमारे 100 कोटीचे अनुदान येणे बाकी आहे.