14 गावातील घरांवर मुलींच्या नावाच्या पाट्या

पुणे । पुणे जिल्ह्यातील शिरूर तालुक्यात असणारे चौदा गाव हे मुलींना पाठिंबा दर्शवण्यासाठी एक अनोखा उपक्रम राबवत आहे. घराच्या दरवाज्यावर पुरुष प्रमुखाच्या नावाची पाटी असते. मात्र या गावात दरवाजावर चक्क मुलींच्या नावाच्या पाट्या लावण्यात आला आहेत. त्यामुळे गाव आणि त्यांचा उपक्रमाचे कौतुक होत आहे. मुलगी सासरी गेल्यानंतर माहेरच्यांसाठी ती पाहुणी होते. मात्र या उपक्रमामधून तिला बळ देण्याचे काम पुणे जिल्हा परिषद सदस्या रेखा बांदल यांनी केले आहे.

तिला वेगळा आनंद मिळेल
शिरूर तालुक्यात ज्याप्रकारे मुलींच्या नावाच्या पाट्यांचा उपक्रम राबवला जात आहे तो कौतुकास्पद असून आम्ही मुलींचा पाठीशी खंबीर उभे आहोत हेच दाखवून दिल्याचे दिसत आहे. त्यामुळे मुलींना लढण्याच बळ मिळणार आहे. हा उपक्रम मुलींना प्रेरणा देण्यासाठी सुरू केला आहे. भ्रूणहत्या, बलात्कार याचे प्रमाण वाढले असून मुलींचा पाया भक्कम करण्यासाठी हा उपक्रम राबविला जात आहे. लग्नानंतर मुलीला तिच्या नावाची पाटी माहेरी पाहिल्यानंतर आनंद मिळेल असे जिल्हा परिषद सदस्या रेखा बांदल यांनी म्हटले आहे.

जिल्हा परिषदेचा 14 गावांचा गट असून त्या गावांचा अशा प्रकारे कायापालट करण्यात आला आहे. प्रत्येक गावात घराच्या दरवाज्यावर मुलीच्या नावाची पाटी लावण्यात आली आहे. यात तळेगाव ढमढेरे, रांजणगावसांडस, दहिवडी, भांबर्डे, डिग्रजवाडी, करंजावणे, दरेकरवाडी, निमणगाव अशा एकूण चौदा गावात 5 हजार 755 मुलींच्या नावाच्या पाट्या बसवण्यात आल्या आहेत. एकीकडे मुलगी वाचवा मुलगी शिकवा असे उपक्रम राबविले जात असताना मुलींवरील अत्याचार थांबण्याचे नाव कमी होत नाहीये. उलट अत्याचार वाढत असल्याचे वेळोवेळी अधोरेखीत झाले आहे. त्यामुळे सरकारने ठोस पाऊल उचलण्याची गरज भासत आहे. दरवाजावर मुलीच्या नावाची पाटी पाहिल्यानंतर आपल्याला देखील मुलगी, बहीण, पुतणी असल्याचे नेहमी भासत राहील. त्यामुळे त्यांच्या पाठीशी गंभीर उभे राहण्यासाठी अधिक बळ मिळेल.