15 दिवसांपूर्वी स्वस्त झालेल्या पेट्रोल-डिझेलच्या किमतीत वाढ

नवी दिल्ली। आंतरराष्ट्रीय बाजारात कच्च्या तेलाचे भावाने देशातील पेट्रोल-डीझेलच्या दरात वाढ करण्यात आली आहे. पेट्रोल प्रती लीटर 1.23 रुपयांनी तर, डिझेलच्या दरात प्रतिलीटर .89 पैशांची वाढ करण्यात आली आहे. बुधवारी मध्यरात्रीपासून हे नवे दर लागू झाले आहेत. 16 मे रोजी पेट्रोल 2.16 तर डिझेल 2.10 रुपयांनी कमी झाले होते. अवघ्या 15 दिवसांतच पुन्हा पेट्रोल आणि डिझेलचे भाव वाढले आहेत. पाक्षिक बैठकीनंतर पेट्रोल, डिझेलच्या दरात वाढ करण्याचा निर्णय घेण्यात आला.

याआधी एक मे या दिवशी पेट्रोल, डिझेलच्या दरात किरकोळ वाढ करण्यात आली होती. तेव्हा पेट्रोल 1 पैसे प्रती लीटर तर, डिझेल 44 पैसे प्रती लीटर या दराने वाढले होते. 16 एप्रिललाही पेट्रोल, किमतीत प्रती लीटर 1.39 रुपयांनी तर, डीजलच्या किमती प्रती लीटर 1.04 रूपयांची वाढ करण्या आली होती. आंतरराष्ट्रीय बाजारपेठेत कच्च्या तेलांच्या किमती घसरल्याने तेल कंपन्यांनी भारतातही पेट्रेल, डिझेलच्या किमती कमी करण्याचा निर्णय घेतला होता.

दरम्यान, भारतीय पेट्रोलियम कंपन्या दर पंधरा दिवसांनी पाक्षिक बैठक घेऊन पेट्रोल डिझेलचे दर ठरवत असत. पण, यापूढे सोने, चांदीच्या दराप्रमाणे इंधनाचेही दर विशेषत: पेट्रोल डिझेलचे दर प्रतीदिन ठरवले जातील, असा निर्णय पेट्रोलियम कंपन्यांनी घेतला आहे. पाँडेचरी, विशाखापट्टणम (आंध्र प्रदेश), उदयपूर (राजस्थान), जमशेदपूर (झारखंड) आणि चंदीगढ या पाच शहरांमध्ये हा प्रयोग प्रायोगिक तत्त्वांवर सुरू करण्यात येणार आहे. त्याच्या यशस्वीतेनंतर पुढील निर्णय घेण्यात येणार आहे.