16 वर्षांपासून पोलिसांच्या हातावर तुरी देणारा खुनातील आरोपीला अखेर अटक
जळगाव : खुनाच्या गुन्ह्यात जन्मठेपेची शिक्षा सुनावलेल्या आरोपीला फरार झाल्यानंतर तब्बल 16 वर्षांनंतर अटक करण्यात आली. ही कारवाई स्थानिक गुन्हे शाखेच्या पथकाने केली आहे. प्रदीप सोनु मेढे (58, रा.वंजारी टेकडी, समतानगर, जळगाव) असे अटकेतील आरोपीचे नाव आहे.
खुनाच्या गुन्ह्यात सुनावली शिक्षा
जिल्हापेठ पोलिस स्टेशनला 1999 मध्ये खूनाच्या गुन्ह्यात प्रदीप मेढे यास शिक्षा सुनावण्यात आली. प्रदीप सोनु मेढे (58, रा.वंजारी टेकडी, समतानगर, जळगाव) यास जिल्हा व सत्र न्यायालय, जळगाव यांनी जन्मठेपेची शिक्षा सुनावली होती. शिक्षेविरोधात प्रदीप मेढे याने उच्च न्यायालय, खंडपीठ औरंगाबाद येथे अपील केले असता उच्च न्यायालय, खंडपीठ, औरंगाबाद यांनीसुध्दा शिक्षा कायम केली होती. त्यानंतर आरोपीतांनी सर्वोच्च न्यायालय, नवी दिल्ली येथे अपील दाखल केल्यानंतर बंदी 2006 मध्ये अपील जामिनावर सुटलेला होता.
16 वर्षांपासून आरोपीला अटक
सर्वोच्च न्यायालय, नवी दिल्ली यांनी सुध्दा गुन्हयांतील आरोपीतांची शिक्षा कायम केली आहे. त्यानंतर बंदी फरार प्रदीप मेढे हा न्यायालयात हजर झालेला नाही. तेव्हापासुन तो फरार असल्याने त्यास अटक करण्याबाबत उच्च न्यायालय, मुंबई खंडपीठ औरंगाबादकडील अन्वये बंदी फरार यास अटक करून न्यायालयात हजर करण्याबाबत आदेश झाले होते. जळगाव पोलिस अधीक्षक डॉ.प्रवीण मुंढे, अपर पोलिस अधीक्षक चंद्रकांत गवळी यांनी एलसीबीचे पोलिस निरीक्षक किरणकुमार बकाले यांना आरोपीचा शोध घेण्याबाबत सूचना दिल्या होत्या.