२० रुपयाच्या नवीन नोटा चलनात !

नवी दिल्ली: देशाच्या चलनात लवकरच २० रुपयाची नवी नोट दाखल होणार आहे. नवीन रंगातील २० रुपयांची नोट चलनात आणली जाणार आहे. गेल्या दोन-तीन वर्षांत मध्यवर्ती बँकेने ५०० आणि २००० रुपयांच्या नवीन नोटांसह २०० रुपये, १०० रुपये, ५० रुपये आणि १० रुपयांच्या नवीन नोटा चलनात आणल्या आहेत. त्याच्याबरोबर आता लवकरच २० रुपयाची नवी नोटदेखील चलनात येणार आहे.

२० रुपयाच्या नव्या नोटेचा रंग हा हिरव्या आणि पिळव्या रंगाच्या मिश्रणातील रंग (हिरवट पिवळा) असेल. या नोटेवर विद्यमान गव्हर्नर शक्तिकांत दास यांची स्वाक्षरी असणार आहे. या नोटेच्या मागील बाजूस भारताचा सांस्कृतिक ठेवा असलेल्या वेल्लोरा लेणींचे चित्र असणार आहे. तसेच अधिकृत नोट ओळखता यावी यासाठी काही विशिष्ट चिन्हांचा आणि खुणांचा वापर या नोटेवर करण्यात आला आहे.

नोव्हेंबर २०१६ पासून आलेल्या नवीन नोटा या नव्या रूपातील महात्मा गांधी मालिकेतील आहेत. आधीच्या नोटेपेक्षा तुलनेने या नोटांचा आकार आणि रचना काहीशी वेगळी आहे. नोव्हेंबर २०१६ मध्ये निश्चलनीकरणातून ५०० आणि १००० रुपयांच्या नोटा चलनातून बाद झाल्या. त्यावेळी निर्माण झालेल्या चलनटंचाईच्या स्थितीत २० रुपयांच्या नोटा जनसामान्यांचा आधार बनल्या होत्या. रिझव्‍‌र्ह बँकेकडे उपलब्ध तपशिलानुसार, ३१ मार्च २०१६ रोजी ४९२ कोटी रकमेच्या २० रुपयांच्या नोटा चलनात होत्या. निश्चलनीकरणानंतर, चलनात असलेल्या २० रुपयांच्या नोटांचे प्रमाण दुपटीने वाढून मार्च २०१८ पर्यंत १०० कोटींवर गेले होते.

19व्या षटकात पहिल्यांदा १५ में १८६२ मध्ये २० रुपयाच्या नोटा चलनात आल्या होत्या. त्यानंतर २६ फेब्रुवारी १९०१ मध्ये नव्याने २० रुपयाच्या नोटा चलनात आणल्या गेल्या. त्यानंतर १९७२, १९८०, २००१ आणि आता पुन्हा २० रुपयाच्या नव्या नोटा चलनात येणार आहे. आल्या.