यावल येथे लोकअदालतमध्ये २३ दावे निकाली

भुसावळ प्रतिनिधी l

यावल न्यायालयात आयोजित राष्ट्रीय लोक अदालतीत दाखल पूर्व तसेच प्रलंबित २३ दावे तडजोडीने निकाली काढण्यात आले. लोक अदालतीत एकूण ७९७ प्रकरणे दाखल होती. निकाली प्रकरणांमुळे वित्तीय संस्थांचा तसेच संबंधितांचा जास्त कालावधी वाया न जाता २४ लाख ९३ हजार ५३८ रुपयांचा वसूल मिळाला. प्रथम वर्ग न्यायाधीश एम. एस. बनचरे, एडवोकेट डी.सी. सावकारे, आणि समांतर विधी सहाय्यक नंदकिशोर अग्रवाल असे ३ सदस्य पॅनल नेमले होते. दाखल पूर्व ५३८ फौजदारी १८६ आणि दिवाणी न्यायालयाच्या ७३ केसेस अशी एकूण ७९७ प्रक्रिया पॅनल समोर ठेवले होते. त्यातील दाखल पूर्व दोन केसेस निकाली काढल्या. यात वित्तीय संस्था व विविध बँकांना ३ लाख वीस हजार रुपयांचा वसूल मिळाला. दिवाणी व फौजदारी २९ केसेसचा निपटारा झाला. त्यात २१ लाख ७३ हजार ५३८ रुपयांचा वसूल मिळाला. या राष्ट्रीय लोक अदालत मधे दाखल पैकी २३ केसेस निकाली निघून एकूण २४ लाख ९३ हजार ५३८ रुपयांचा वसूल मिळाला. लोकअदालतीसाठी वकील अनुक्रमे ए. आर. सुरळकर, जी.एम. बारी, एस. जी. कवडी वाले, ए.एम. कुलकर्णी, एस.आर. लोंढे, उमेश बडगुजर, धीरज चौधरी, एम. पी. पाटील यांनी वादी व प्रतिवादी यांच्या बाजूने काम पाहिले.

लोकअदालतीसाठी न्यायालयीन कर्मचारी एस. बी. शुक्ल, एस. जे. ठाकूर, सी.एम. झोपे, जी.एस. लाड, डी.ए. गावंडे, ए. बी. बागुल, पी. डी. चव्हाण, डी. आर. पाटील, एम. डी. जोशी, आर. डी. गोराणे यांनी परिश्रम घेतले.