302 फुकट्यांवर कारवाई ; सव्वा लाखांचा दंड वसुल

चाळीसगाव रेल्वे स्टेशनवर रेल्वेच्या पथकाची विशेष तपासणी मोहीम

भुसावळ- फुकट्या रेल्वे प्रवाशांविरुद्ध सुरू असलेल्या मोहिमेंतर्गत चाळीसगाव रेल्वे स्थानकावर 16 रोजी विशेष पथकाने राबवलेल्या मोहिमेत 303 प्रवाशांकडून तब्बल एक लाख 23 हजार 850 रुपयांचा दंड वसुल करण्यात आला. या कारवाईने नियमबाह्य प्रवास करणार्‍या प्रवाशांमध्ये खळबळ उडाली आहे.

35 तिकीट निरीक्षकांची धडक मोहिम
बुधवारी सकाळी आठ वाजेपासून रेल्वेच्या 35 तिकीट निरीक्षक व सहा रेल्वे सुरक्षा बलाचा समावेश असलेल्या पथकाने धडक मोहिम राबवत 302 केसेसच्या माध्यमातून एक लाख 23 हजार 850 रुपयांचा दंड वसुल केला. ही मोहिम सहाय्यक वाणिज्य प्रबधंक (टीसी) अजय कुमार यांच्या मार्गदर्शनाखाली राबवण्यात आली. पथकात 35 तिकीट निरीक्षक व सहा रेल्वे सुरक्षा बलाचे सहभाग होता. विना तिकीट प्रवास करणार्‍या 161 प्रवाशांकडून 62 हजार 245 रुपयांचा दंड तसेच रीझर्व्ह डब्यात आरक्षण नसताना प्रवास करणार्‍या 139 प्रवाशांकडून 62 हजार 245 रुपयांचा दंड वसुल करण्यात आला तसेच सामानाची बुकींगविनाची वाहतूक करणार्‍या दोन प्रवाशांकडून 935 रुपयांचा दंड वसुल करण्यात आला. या मोहिमेत तिकीट चेकिंग स्टाफचे एन.पी.पवार, एस.एम.पुराणिक, शेख जावेद, वी.के.भंगाळे, वाय.डी.पाठक, व्हिवेन रॉड्रिक्स, प्रशांत ठाकुर, एस.ए.दहिभाते, उमेश कलोसे, एस.पी.मालपुरे, पी.एम.पाटील, आर.पी.सरोदे, एल.आर.स्वामी, ए.के.गुप्ता, ए.एम.खान, अनिल खर्चे, अजय बच्छाव, निलेश पवार, ए.एस.राजपूत, निलेश पवार, जी एस.शुक्ला, शेख अल्ताफ, आल्विन गायकवाड, बी.एस.महाजन व अन्य तिकीट निरीक्षक सहभागी झाले.