5 लाख डॉलर्ससह एअर होस्टेसला अटक

नवी दिल्ली : एका आंतरराष्ट्रीय हवाला रॅकेट प्रकरणी डायरेक्टरेट ऑफ रेव्हेन्यू इंटेलिजन्स (डीआरआय)ने सोमवारी दल्लीच्या इंदिरा गांधी आंतरराष्ट्रीय विमानतळावरून जेट एअरवेजच्या एका एअर होस्टेसला अटक केली.

तिच्याकडून तब्बल 4 लाख 80 हजार डॉलर्स जप्त करण्यात आले. ही किंमत अंदाजे 3 कोटी 20 लाख रुपये इतकी आहे. या हवाला रॅकेटमध्ये सामील असलेल्यांना शोधण्याचे प्रयत्न डीआरआयने सुरू केले आहेत. सिल्व्हर फॉइलमध्ये गुंडाळलेले डॉलर्स तिच्याकडे आढळून आले. याशिवाय मेकअप बॅगमध्येही काही रक्कम सापडली. दिल्लीतील विवेक विहारमधला अमित या रॅकेटचा सूत्रधार असल्याचे चौकशीत त्या एअर होस्टेसने सांगितले.