50 हजारांसाठी जळगावच्या विवाहितेचा छळ : पतीसह पाच जणांविरोधात गुन्हा

जळगाव : पतीसह सासरच्या पाच संशयीतांनी विवाहितेचा छळ करीत संसारोपयोगी वस्तूंसह दागिने घेण्यासाठी माहेरहून 50 हजारांची मागणी केली. या प्रकरणी विवाहितेने तक्रार दिल्यानंतर शहर पोलिसात गुन्हा दाखल करण्यात आला.

पाच संशयीतांविरोधात गुन्हा
शहरातील गेंदालाल मिल परीसरातील माहेर असलेल्या समीना असरार खान (32) यांचा भिवंडी येथील असरार इसलांम खान यांच्याशी विवाह झाला मात्र सासरच्या मंडळींकडून विवाहितेने वॉशिंग मशिन, फ्रीज, सोन्याचे कानातले व रोख रक्कम 50 हजार रुपये आणावेत म्हणून छळ करण्यात आला तसेच विवाहितेला शिविगाळ करुन तीला जीवंत मारुन टाकण्याची धमकी देखील देण्यात आली. हा त्रास असह्य झाल्याने विवाहितेने शहर पोलिसात धाव घेत तक्रार दिल्यानंतर पती असरार इस्लाम खान, फरजाणा बी.सय्यद, दीर इमरान खान शेर, नणंद सखीना मुस्कान सैय्यद, साखरा मुस्ताक सैय्यद (रा.भिवंडी) यांच्याविरुद्ध गुन्हा दाखल करण्यात आला.