7,576 ग्रामपंचायतींसाठी 7,14 ऑक्टोबरला मतदान

मुंबई । राज्यात नोव्हेंबर व डिसेंबर 2017 मध्ये मुदत संपणार्‍या सात हजार 576 ग्रामपंचायतींच्या सार्वत्रिक निवडणुकांसाठी दोन टप्प्यांत 7 आणि 14 ऑक्टोबरला मतदान होणार असल्याची माहिती राज्य निवडणूक आयुक्त ज. स. सहारिया यांनी दिली.

यावेळी सदस्यांसह थेट सरपंचपदाच्या निवडणुकांसाठीही मतदान होणार असल्याचे त्यांनी सांगितले. पहिल्या टप्प्यात नाशिक- 170, धुळे- 108, जळगाव- 138, नंदुरबार- 51, अहमदनगर- 204, औरंगाबाद- 212, बीड-703, नांदेड- 171, परभणी- 126, उस्मानाबाद- 165, जालना- 240, लातूर- 353, हिंगोली- 49, अमरावती- 262, अकोला- 272, यवतमाळ- 93, वाशीम- 287 आणि बुलडाणा- 280. एकूण- 3,884. तर दुसर्‍या टप्प्यात ठाणे- 41, पालघर- 56, रायगड- 242, रत्नागिरी- 222, सिंधुदुर्ग- 325, पुणे- 221, सोलापूर- 192, सातारा- 319, सांगली- 453, कोल्हापूर- 478, नागपूर- 238, वर्धा- 112, चंद्रपूर- 52, भंडारा- 362, गोंदिया- 353 आणि गडचिरोली- 26. एकूण- 3,692 अशा ग्रामपंचायतींच्या निवडणुका होणार आहेत.