9 लाखांच्या साहित्याची चोरी

खडकी- येथील मिलट्री हॉस्पिटलच्या फायर सिस्टिममधील डबल आऊटलेट टाईप फायर हायट्रन्ट या नव्वा नऊ लाख रुपये किंमतीच्या साहित्याची चोरी झाली. याप्रकरणी चंद्रकांत भोसले (वय 48, रा. खडकी) यांनी फिर्याद दिली आहे. पोलिसांनी दिलेल्या माहितीनुसार, भोसले हे हॉस्पिटल येथे सुभेदार या पदावर कार्यरत आहेत. या हॉस्पिटलमध्ये फायर सिस्टिम बसविण्यात आली आहे. यातील एकूण 39 डबल आऊटलेट टाईप फायर हायड्रन्टपैकी 34 नग गायब झाले आहेत. दरम्यान, हॉस्पिटलच्या सीसीटीव्ही कॅमेर्‍यात काही अनोळखी व्यक्ती संशयितरित्या फिरताना दिसून आले आहे. या व्यक्तींनी फायर सिस्टिममधून नऊ लाख 13 हजार 376 रुपये किंमतीचे 34 डबल आऊटलेट टाईप फायर हायड्रन्ट हे साहित्य चोरुन नेल्याची नोंद करण्यात आली आहे. अधिक तपास खडकी पोलीस करत आहेत.