झाड कोसळून मृत्यू झालेल्या राजेंद्र मराठे यांच्या कुटुंबाला चार लाखाच्या धनादेश सुपूर्द

प्रतिनिधी तळोदा :- (किरण पाटील)

प्रतापपूर येथील वडाचे झाड कोसळून त्यात कारचालक राजेंद्र मराठे यांच्या कुटुंबाला प्रशासनाकडून तात्काळ मदत करण्यात आली असून चार लाखाच्या धनादेश सुपूर्द करण्यात आला.
रविवारी चिनोदा गावानजीक रस्त्यावर चालत्या कारवर वडाचे झाड कोसळून प्रतापपुर येथिल राजेंद्र मराठे (४८) यांचा झाडाखाली दबून मृत्यू झाला होता. राजेंद्र मराठे हे घरात कमावते एकटे असल्याने त्यांच्या मृत्यूमुळे मराठे परिवाराच्या संसार उघड्यावर आला होता त्यामुळे संताप्त नातेवाईकांनी प्रशासना विरोधात रोज व्यक्त करत त्यांच्या मृतदेह मध्यवर्ती प्रशासकीय इमारतीत आणण्यात आला होता.
यावेळी आमदार राजेश पाडवी भाजपाचे प्रदेश कार्यकारणी सदस्य शशिकांत वाणी, सहाय्यक जिल्हाधिकारी मंदार पत्की तहसीलदार गिरीश वखरे यांनी शासकीय नियमानुसार मयत राजेंद्र मराठे परिवाराला तात्काळ मदत केली जाईल,असे नातेवाईकांना व ग्रामस्थांना आश्वासित केले होते.त्यानुसार तहसीलदार गिरीश वखारे यांनी तात्काळ कारवाई करत नैसर्गिक आपत्ती व्यवस्थापनातून मराठे कुटुंबीयांना चार लाखाच्या निधी मंजूर आला.
सोमवारी सायंकाळच्या सुमारास आमदार राजेश पाडवी यांच्या हस्ते मराठे परिवाराला धनादेश प्रदान करण्यात आला. यावेळी तहसीलदार गिरीश वखारे,प्रभाकर उगले, पंकज पावरा आदीसह सहप्रतापूर ग्रामस्थ उपस्थित होते.