आज चंद्राबाबू नायडू घेणार राहुल गांधी, शरद पवारांची भेट

नवी दिल्ली – आगामी लोकसभा निवडणुकीत भाजपाला पराभूत करण्यासाठी विरोधी पक्षांनी जोरदार कंबर कसली आहे. भाजपाला आव्हान देण्यासाठी विरोधी पक्षांनी एकत्र येऊन मोट बांधण्यासाठी प्रयत्न सुरू केले आहेत. आपला वैयक्तिक स्वार्थ बाजूला ठेऊन एकत्र या, असे आवाहन ते राजकीय पक्षांना करत आहेत. दरम्यान आंध्र प्रदेशचे मुख्यमंत्री चंद्राबाबू नायडू आज नवी दिल्लीत काँग्रेस अध्यक्ष राहुल गांधी आणि राष्ट्रवादी काँग्रेसचे अध्यक्ष शरद पवार यांची भेट घेणार आहे.

महाआघाडीच्या शक्यता पडताळून पाहण्यासाठी आंध्र प्रदेशचे मुख्यमंत्री चंद्रबाबू नायडू यांनी मायावती यांचीही भेट घेतली. बसपाच्या एका नेत्यानं सांगितले की, नायडू यांनी उत्तर प्रदेशचे माजी मुख्यमंत्री शनिवारी संध्याकाळी भेट घेतली. यादरम्यान नायडू यांच्यासोबत आंध्र प्रदेशचे अर्थमंत्री आणि पक्षाचे काही खासदार देखील उपस्थित होते.