पनवेलजवळ भीषण अपघात; २ ठार

पनवेल: पनवेल जवळील कामोठे येथे भरधाव वेगातील कारने सात ते आठ लोकांना धडक दिली, त्यात दोघांचा जागीच मृत्य झाल्याची घटना रविवारी रात्री घडली. मृतांमध्ये एका मुलाचा समावेश आहे. सार्थक चोपडे वय ७ आणि वैभव गुरव वय ३२ अशी मृतांची नावे आहेत. जखमींना रुग्णालयात दाखल करण्यात आले आहे. त्या पैकी तिघांची प्रकृती चिंताजनक आहे. आरोपी चालकाला पोनाग्रीकानी पोलिसांच्या स्वाधीन केले आहे.

कामोठे येथील सेक्टर सहा मध्ये हा अपघात झाला. भरधाव वेगात आलेल्या स्कोडा कारने कार कळायच्या आत समोरून येणाऱ्या बाइक व स्कूल बसला धडक दिली. गाडीच्या धडकेत एक महिला व पुरुष रस्त्यावरच बेशुद्ध पडले. एक दुचाकीस्वार रस्त्याच्या बाजूला फेकला गेला. अन्य काही जणांनाही गाडीनं धडक दिली. त्यात ते जखमी झाले. जखमींना तात्काळ एमजीएम रुग्णालयात दाखल करण्यात आलं.

गाडीत दारूचा साठा सापडल्याने हा ‘ड्रंक अँड ड्राइव्ह’चा प्रकार असावा, असा पोलिसांचा संशय आहे. पुढील तपास पोलीस करत आहे. कारच्या मालकाचा तपास पोलीस घेत आहे.