सहा वाहनांचा विचित्र अपघात

पुणे :- पुणे-मुंबई द्रुतगती मार्गावर आज सकाळी अकरा वाजेच्यासुमारास सहा वाहनांचा विचित्र अपघात झाला. यात भरधाव वेगाने येणाऱ्या कंटेनरने ट्रकला धडक दिल्यानंतर पाठीमागून येणा-या चार कार कंटेनरवर जाऊन आदळल्या. सुदैवाने या अपघातात कोणतीही जिवितहानी झाली नाही.

पुण्याहून मुंबईकडे येणाऱ्या लेनवरील बोरघाट आडोशी खोपोली हद्दीच्या उतारावर सकाळी अकरा वाजण्याच्या सुमारास हा अपघात झाला. यामध्ये ट्रकचालक जखमी झाला असून इतर सर्व सुखरुप आहेत. दरम्यान अपघाताची माहिती मिळताच पोलीस घटनास्थळी पोहोचले. अपघातामुळे काही काळ द्रूतगती मार्गावरील वाहतूक ठप्प झाली होती. परंतू अपघातग्रस्त वाहने तात्काळ बाजूला करून वाहतूक सुरळीत करण्यात आली.