भगवान गौतम बुध्दांच्याच विचारांची गरज

बुध्द विहाराच्या उद्घाटनप्रसंगी आमदार साहेबराव पाटील यांचे प्रतिपादन

अमळनेर – देशाला आज भगवान गौतम बुध्द यांच्याच विचारांची गरज असल्याचे प्रतिपादन माजी आमदार साहेबराव पाटील यांनी व्यक्त केले.
अमळनेर येथे नपाच्या माध्यमातून सांस्कृतिक केंद्रच्या सामाजिक भवन म्हणून बुद्ध विहाराचे माजी आमदार साहेबराव पाटील यांच्या हस्ते उद्घाटन करण्यात आले.
शहराच्या प्रथमदर्शनी असलेल्या फरशी रोड भागात नपाच्या माध्यमातून टुमदार व आकर्षक असे सामाजिक बुद्ध विहाराचे उद्घाटन लोकनियुक्त नगराध्यक्षा पुष्पलता पाटील, डॉ बाबासाहेब आंबेडकर सामाजिक परिषदेचे अध्यक्ष रामभाऊ संदानशीव यांच्या उपस्थितीत पार पडला. बौद्ध धर्म गुरु भन्ते गुणरत्न यांच्यासह बुद्धिस्ट इंटरनॅशनल नेटवर्कचे बौद्धाचार्य द.रु. सैंदाने, भारतीय बौद्ध महासभेचे सिद्धार्थ सोनावणे यांनी बुद्ध वंदनासह विधिवत पूजा केली. याप्रसंगी प्रा.डॉ.जाधव, सौ. जाधव व सामाजिक कार्यकर्त्या दीप्ती गायकवाड यांनी बुद्ध मूर्तीची पूजा केली. यावेळी कैलास खैरनार व अ‍ॅड. ब्रम्हे यांनी भन्ते गुणरत्न यांना चिवरदान देऊन त्यांचा सन्मान केला. यावेळी सत्काराला उत्तर देतांना माजी आमदार साहेबराव पाटील म्हणाले की, जगाला बुद्धाचा विचारांची गरज आहे, तसेच डॉ बाबासाहेब आंबेडकर यांच्या शिका-संघटित व्हा-संघर्ष करा या तत्व प्रणाली वर समाजाने चालले पाहिजे, अन्यायाविरुद्ध बंड केले पाहिजे असे सांगितले. प्रास्ताविक करतांना शिक्षण विस्तार अधिकारी अशोक बिर्‍हाडे यांनी सांगितले की तथागत गौतम बुद्ध हे शेतकरी कुटूंबातील होते. म्हणून त्यांना कुणबी पुत्र बोलले जाते. त्यांनी शांतीसह वेळप्रसंगी क्रांतीचा मार्ग स्वीकारायला सांगितले आहे. मानवमुक्तीचा मार्गदाता म्हणून जगातील लोक बुद्ध धम्माकडे पाहत आहे, असे त्यांनी सांगितले.

यांची होती उपस्थिती
यावेळी व्यासपीठावर नगरसेवक मनोज पाटील, बांधकाम सभापती सुरेश पाटील, सलीम टोपी, फयाजखॉ पठाण, संजय पवार, संतोष लोहरे, संतोष पाटील, प्रा.अशोक पवार, अ‍ॅड.तिलोत्तमा पाटील, माधुरी पाटील, महीला कॉग्रेसच्या जिल्हाध्यक्षा सुलोचना वाघ, हाजी शेखा मिस्तरी, डी.डी.पाटील, व.ता. पाटील, खा.शि.मंडळाचे अध्यक्ष प्रदिप अग्रवाल, संचालक पंकज मुंदडा, विनोद कदमसर, राजु पगारे, कैलास पाटील, अ‍ॅड. प्रशांत संदानशिव, सोमचंद संदानशिव, प्रविण जैन, कुंदन पाटील, कॉग्रेसचे तालुकाध्यक्ष गोकुळ बोरसे, धर्मा ब्राह्मणे आदी उपस्थित होते. यावेळी बुद्धविहाराला रोख रक्कम १ लाख रुपये स्थानिक सामाजिक कार्यकर्त्या बबिता ताजने यांनी दान स्वरूपात दिल्याने डॉ बाबासाहेब आंबेडकर सामाजिक परिषद व माजी आमदार साहेबराव पाटील यांनी त्यांचा जाहीर सत्कार केला. यशस्वीतेसाठी सोमचंद संदानशिव, ज्ञानेश्वर संदांशीव, प्रा विजय खैरनार, प्रा कदम, प्रा राहुल निकम, संजय संदांनशीव, प्रा कृष्णा सनदांशीव, अमोल सनदांशीव, लोकमत चे विजय संदानशीव, देवदत्त संदानशिव, धर्मा ब्रम्हे, भोम्या भाऊ यांनी परीश्रम घेतले. सूत्रसंचालन प्रा. डॉ. विजय तुंटे तर आभार प्रा. विजय गाढे यांनी मानले.