देवदर्शनासाठी गेलेल्या नवरदेवाच्या अपघाती मृत्यू

औरंगाबाद: औरंगाबाद-बीड रस्त्यावर भीषण अपघात झाला. यात लग्नानंतर देवदर्शनासाठी गेलेल्या नवरदेवाचा मृत्यू झाला आहे. तर 6 जण जखमी आहेत. अंबडजवळच्या खेड गावाजवळ बोलेरो आणि दुधाच्या गाडीची धडक होऊन,ही दुर्दैवी दुर्घटना घडली. या अपघातात नवरदेवासह आणखी एकाचा मृत्यू झाला आहे. या अपघातामुळे गोडसे कुटुंबीयांवर काळाचा घाला घातला. ही घटना आज पहाटे घडली.

गोडसे कुटुंब देवदर्शनासाठी तुळजापूरला गेले होते. यावेळी स्वत: नवरदेव बोलेरो चालवत होता. देवदर्शन आटोपून ते औरंगाबादकडे परतत होते. तेव्हा आज पहाटे खेड गावाजवळ दुधाची गाडी आणि बोलेरोची धडक झाली. सर्व जखमींना औरंगाबादेतील घाटी रुग्णालयात हलवण्यात आले आहे.