1 नोव्हेंबरपासून बँकांच्या वेळेत बदल !

नवी दिल्लीः महाराष्ट्रातील सार्वजनिक क्षेत्रातील बँकांच्या वेळापत्रकात 1 नोव्हेंबरपासून बदल होणार आहे. आता महाराष्ट्रातील बहुतेक बँका एकाच वेळापत्रकानुसार उघडणार आणि बंद होणार आहेत. केंद्रीय आर्थिक मंत्रालयाने बँकांच्या कामकाजाची वेळ एकसमानच करण्याचे निर्देश दिले आहेत. नव्या वेळापत्रकानुसार बँक सकाळी 9 वाजता उघडतील आणि संध्याकाळी 4 वाजेपर्यंत कामकाज सुरू राहील. तर काही बँकांची वेळ सकाळी 9 ते दुपारी 3 वाजेपर्यंत करण्यात आली आहे. बँकांच्या कमर्शियल एक्टिविटी (Banks Commercial Activity)च्या वेळात बदल करण्यात आला असून, आता बँका सकाळी 11 वाजता सुरू होणार असून, संध्याकाळी 6 वाजता बंद होणार आहेत. बँकांचा वेळ सकाळी 10 वाजल्यापासून संध्याकाळी 5 वाजेपर्यंत असतो. पण पैशांच्या देण्या-घेण्याचे व्यवहार दुपारी 3.30वाजेपर्यंतच होत होते. बँकांचं नवं वेळापत्रक बँकर्स कमिटी (Bankers Committee)ने तयार केले आहे.

तर काही बँकांची कमर्शियल एक्टिव्हिटीची वेळ सकाळी 11 वाजल्यापासून संध्याकाळी 5 वाजेपर्यंत ठरवण्यात आली आहे. इतर भागात बँकिंग कामकाज सकाळी 10 ते संध्याकाळी 5 वाजेपर्यंत करण्याचे निश्चित करण्यात आले आहे. देशभरातील बँकांचे कार्यालय उघडण्याची वेळ एकच असावी, यासाठी हा नवीन प्रस्ताव देण्यात आला होता. गेल्या जून महिन्यात यासंदर्भात बँकिंग विभागाने बैठकही घेतली होती. त्यामध्ये ग्राहकांच्या गरजा लक्षात घेऊन बँका उघडण्याची वेळ ठरविण्याला प्राधान्य देण्यात आले आहे.