भय्यू महाराज यांच्या आर्थिक व्यवहाराबाबतच्या सुसाइड नोटवर संशय

इंदोर-स्वयंघोषित अध्यात्मिक गुरू भय्यू महाराज यांच्या सुसाइड नोटवरून नवा वाद निर्माण झाला आहे. आत्महत्येपूर्वी लिहिलेल्या सुसाइड नोटमधील दुसऱ्या पानावर भय्यू महाराज यांनी सेवक विनायकला संपत्ती आणि सर्व आर्थिक व्यवहारांचे अधिकार दिल्याचा उल्लेख केला आहे. त्यामुळं कुटुंबीय आणि नातेवाईकांनी आश्चर्य व्यक्त करण्यात येत आहे. तर आश्रमातील विश्वस्तांनी चिंता व्यक्त केली आहे. तसेच या सुसाइड नोटच्या सत्यतेबाबत अद्यापही गूढ कायम आहे.

हस्ताक्षर तपसताय पोलीस  

भय्यू महाराजांच्या सुसाइड नोटमधील हस्ताक्षर पोलीस तपासून पाहत आहेत. ती सुसाइड नोट भय्यू महाराजांनीच लिहिली असल्याचे सांगण्यात येत आहे मात्र, त्याबाबत अद्याप संशय कायम आहे. विनायकच्या वाढत्या हस्तक्षेपामुळे भय्यू महाराज नाराज होते, असे त्यांचे नातेवाईक आणि जवळच्या व्यक्तींचे म्हणणे आहे. भय्यू महाराजांच्या संपत्तीवर त्यांच्या कुटुंबीयांचाच अधिकार आहे.