भाजप आमदाराची पोलीस अधीक्षकांना धमकी
लखनऊ-शनिवारी उत्तर प्रदेशचे मुख्यमंत्री योगी आदित्यनाथ अलाहाबादच्या दौऱ्यावर होते. या दरम्यान पोलीस अधीक्षकांनी आदित्यनाथ यांची भेट घेण्यापासून रोखल्यामुळे येथील भाजपा आमदार हर्षवर्धन वाजपेयी यांनी चांगलाच वाद घातला. पोलीस अधिक्षक गंगापार सुनील सिंह यांना अपशब्दांचा वापर करत धमकी दिली. आमदार वाजपेयी यांनी ‘तुम लोग लातों के भूत हो, लातों से ही मानते हो’ असा शब्दात धमकी दिली. त्यांचा हा व्हिडीओ सोशल मीडियावर आता व्हायरल झाला आहे.
#WATCH: BJP MLA Harshvardhan Bajpayee threatening Superintendent of Police in Allahabad. MLA said, 'Tum laaton ke bhoot ho, laaton se hi maante ho'. SP had allegedly failed to recognise the MLA & stopped him to enter premises where a meeting was being held by CM Yogi Adityanath. pic.twitter.com/jrVAhlvcgr
— ANI UP (@ANINewsUP) May 20, 2018
योगी आदित्यनाथ यांचा दौरा
शनिवारी योगी अलाहाबादच्या दौऱ्यावर होते. बाघंबरी येथील मठामध्ये आखाडा परिषदेच्या अधिकारी आणि संतांसोबत त्यांचा भोजन कार्यक्रम सुरू होता. त्याचवेळी आमदार हर्षवर्धन वाजपेयी मुख्यमंत्र्यांची भेट घेण्यासाठी आतमध्ये जाण्याच्या तयारीत होते. तेव्हा तेथे तैनात एसपी गंगाधर सुनील सिंह यांनी त्यांना आतमध्ये जाण्यास रोखले. त्यानंतर आमदाराने एसपी सिंह यांना अपशब्द वापरत धमकी देण्यास सुरूवात केली. मी भाजपाचा दिग्गज नेता आहे आणि आमदार असल्याचे सांगितले.
त्यावर, तुम्ही कोणीही असाल, पण मला माझी ड्यूटी माहिती आहे. आतमध्ये जाण्यासाठी मुख्यमंत्री आणि कॅबिनेट मंत्र्यांव्यतिरिक्त कोणालाही परवानगी नाही, असे उत्तर सिंह यांनी दिले. त्यानंतर आमदार चांगलेच संतापले.