BREAKING: दानवे-महाजन यांच्यासमोर खडसे समर्थक सुनिल नेवे यांना मारहाण !

जळगाव: आज शुक्रवारी केंद्रीय राज्य मंत्री भाजप नेते रावसाहेब दानवे यांच्या उपस्थिती जळगाव जिल्हा भाजपा अध्यक्षांची निवड होत आहे. यावेळी माजी मंत्री आमदार गिरीश महाजन हे देखील उपस्थित होते. त्यांच्यासमोरच खडसे यांचे समर्थक भाजप सरचिटणीस सुनिल नेवे यांना मारहाण झाली आहे. त्यांच्या अंगावर शाईफेक करण्यात आली आहे. भुसावळ शहराध्यक्ष निवडीवरून हा वाद झाला. भुसावळ येथील भाजप कार्यकर्त्यांनी रावसाहेब दानवे यांना निवेदन दिले, त्यावेळी हा गोंधळ झाला.

काय आहे वाद

भुसावळात भाजपा शहराध्यक्षपदाची निवड बेकायदेशीररित्या झाल्याने भाजप पदाधिकारी नाराज आहेत. निष्ठावंत कार्यकर्त्यांना डावलण्यात आल्याचे आरोप होत आहे. भुसावळ शहराध्यक्ष निवडीसाठी ११ जण इच्छुक होते. इच्छुकांपैकी कोणाचीही निवड न झाल्याने संताप झाला आहे.यावरूनच आज जिल्हाध्यक्ष निवडीत हा वाद झाला.