BREAKING: बाळासाहेबांच्या पुण्यतिथीला होणार महाशिवआघाडीची शपथविधी !

मुंबई: अखेर राज्यातील सत्ता संघर्ष संपण्याचे चिन्ह आहे. कारण शिवसेनेला राष्ट्रवादी आणि कॉंग्रेसने पाठींबा दिला आहे. त्यामुळे राज्यात शिवसेना-राष्ट्रवादी कॉंग्रेस-कॉंग्रेस पक्ष मिळून महाशिवआघाडीची सत्ता स्थापन होणार आहे. या सरकारचा शपथविधी कधी होणार याकडे सगळ्यांचे लक्ष लागले आहे. दिवंगत शिवसेना प्रमुख बाळासाहेब ठाकरे यांच्या पुण्यतिथीला अर्थात १७ नोव्हेंबरला महाशिवआघाडीचा शपथविधी सोहळा होणार असल्याचे बोलले जात आहे. शिवतीर्थ मैदानावर शपथविधी सोहळा होणार आहे.

सुरुवातीला कॉंग्रेस शिवसेनेला पाठींबा देण्याबाबत अनुकूल नव्हती, मात्र आता कॉंग्रेसने देखील पाठींबा दिला असून समर्थनाचे पत्र फॅक्सद्वारे शिवसेनेला देण्यात आले आहे. हे पत्र घेऊन शिवसेना राज्यपालांच्या भेटीला गेले असून सत्ता स्थापनेचा दावा करणार आहे. ४४ आमदारांचे पत्र फॅक्सद्वारे देण्यात आले आहे.